Geburi:
20.01.1982

Don't like:
komplizierti Lüüt, Milchriis, Malibu, Winter, viel z'viel ztue, Chaos, warte uf Zug oder Bus, WC sueche, amerikanisch Botschaft, Buchweh....

 

 

"Lache, in Usgang gah, umefuule, tüüfgründigi Gspröch füähre, umeblödele, lästere, reise,  philosophiere, es gmüätlichs Glas Wii mitenand trinke, träume, brüäle, Ratschläg gäh, schmunzle, tanze, Seich mache, oder eifach nur ruhig nebenand hocke - das isch d'Mela und genau die Eigenschafte wird ich die nöchste 8 Mönet grausam vermisse!!!" (Martina)

"Absolut schrägi, chinderliedli-trällerndi, ich-mach-fascht-alles-mit-Frau." (Nico)

"Du bisch es supi symphatischs und liebs (mängisch chasch au anderst, aber immer mit gutem Grund *grins*) menschlichs Wese, seisch was denksch und weisch wie du dich duresetze chasch. Zudem bisch es Steh-Auf-Frauchen, wo sich nöd so schnell unterkriege laht." (Chantal)

"D'Mela, en Surrli, wo zu allem irgendöppis zäge hät, nöd sälte s'letschte Wort für sich beasprucht und immer am umehüähnere isch. Sie isch selbstbewusst und weiss genau, was sie will. Und wenn sies nüme weiss, denn sitzt sie wahrschinli mit Schaaf-Blick im Sand und hät eis, zwei Glas z'viel gha. Aber isches nöd genau das, was mir a ihre so gern händ? Sie isch die lieb Seel, wo immer da isch, wenn mer sie brucht, glichziitig isch sie de Kolleg (Richtig: männlich) wo alles mitere unglaubliche Euphorie und emene Vorwärtsdrang (mit)macht, au wenns halt mängisch au inere mittlere Katastrophe ändet (remember long island ice tea, round table, Sipalay :-). Mela ich han dich u lieb und wird dich grausam vermisse."  (Roman)

Mela, für mich bisch du wie e Sunneblueme im Wind. Immer in Bewegig wendisch du dich stets de Sunnesiite zue und au wenns mal regnet i dim Läbe isch das für dich kein Grund zum ufgeh. Wenn ich dich betrachte erfreue ich mich a dinere positive, quirlige Art und gspüre d'Sunne wo du in all eusi Herze treisch. Ich freu mich mega uf Thailand und wünsche dir für de Rest vo Dinere Reis viel lässigi Erlebnis, kuuli Lüüt und alles wo sust na so zum grosse Abendtüür ghört. Heb der Sorg! (Carina)

Viel Phantasie bruchts ja nöd zum Dich beschriebe, Du bisch ja selber es Paket voller Phantasie... immer am träume und am plane, voller Tatedrang und tatkräftig (was ja nöd immer s'Gliche isch) und ständig irgendwo am umepfurre. D'Mela-Klein isch immer guet druffe (mängisch zu guet, denn gitts Lachträne), super hilfsbereit und eifach e liebi und herzigi Nudle!" (Marion)